ನೀವು ಇದುವರೆವಿಗೂ ವ್ಯಾಯಾಮವನ್ನು ಮಾಡದೇ ಇದ್ದರೆ ಈಗ ಹುರುಪಿನಿಂದ ಹೆಚ್ಚುವರಿ ವ್ಯಾಯಾಮವನ್ನು ಮಾಡಲು ಹೋಗಬೇಡಿ. ನೀವು ನಿಧಾನವಾಗಿ ಆರಾಮದಾಯಕ ವೇಗದಲ್ಲಿ ನಿಮ್ಮ ದೈಹಿಕ ಶ್ರಮವನ್ನು ಪ್ರಾರಂಭಿಸಿ. ಮೊದಲು ನಿದಾನವಾಗಿ ನಡೆಯಲು ಪ್ರಾರಂಭಿಸಿ. ನಂತರ ವೇಗವಾಗಿ ನಡೆಯಲು ಪ್ರಾರಂಭಿಸಿ. ನಂತರ ನಿದಾನವಾಗಿ ಹೋಡಲು ಮುಂದುವರೆಸಿ. ವ್ಯಾಯಾಮದ ಸಂಖ್ಯೆಗಳನ್ನು ಹಾಗೂ ವ್ಯಾಯಾಮ ಸಮಯವನ್ನು ದಿನೇ ದಿನೇ ನಿದಾನವಾಗಿ ಹೆಚ್ಚಿಸಿ. ಹಂತ ಹಂತವಾಗಿ ಮುಂದುವರೆಯುವುದು ಉತ್ತಮ. ಹೀಗೆ ಹಂತ ಹಂತವಾಗಿ ಮುಂದುವರೆಯುವುದು ನಿಮ್ಮನ್ನು ಅನೇಕ ತೊಂದರೆಗಳಿಂದ ರಕ್ಷಿಸುತ್ತದೆ.

ಪ್ರಾರಂಭದಲ್ಲೇ ಅತಿ ವೇಗವಾಗಿ ವ್ಯಾಯಾಮ ಮಾಡಲು ಹೊರಟರೆ ನೋವಿನಿಂದ ಅಥವ ಸಣ್ಣ ಪುಟ್ಟ ತೊಂದರೆಗಳಿಂದ ನೀವು ವ್ಯಾಯಾಮನ್ನೇ ನಿಲ್ಲಿಸುವ ಸಾಧ್ಯತೆ ಇದೆ. ಆಗ ನೀವು ವ್ಯಾಯಾಮದಲ್ಲಿ ಸೋಲುತ್ತೀರಿ.

ಧೀರ್ಘಕಾಲಿನ ಚರ್ಮ ರೋಗಗಳ ಜೊತೆಗೆ ನೀವು ಇತರ ಕಾಯಿಲೆಗಳಿಂದ ಬಳಲುತಿದ್ದರೆ ನೀವು ವ್ಯಾಯಾಮವನ್ನು ಪ್ರಾರಂಭಿಸುತ್ತೀರೆಂದು ನಿಮ್ಮ ವೈದ್ಯರಿಗೆ ತಿಳಿಸಿ. ಅವರ ಸಲಹೆಯೊಂದಿಗೆ ವ್ಯಾಯಾಮ ಮಾಡಿ.